తెలంగాణ వీణ , హైదరాబాద్ : ఎన్నికల్లో ఓటు వేసేందుకు ఓటర్ ఐడీ కార్డు తప్పనిసరి. అయితే, ఎన్నికల నిబంధనల ప్రకారం, ఎలక్షన్ కమిషన్ సూచించిన ఇతర గుర్తింపు కార్డులతోనూ ఓటు వేయచ్చు.
పోల్ చిటీలు లేని వారికి గుర్తింపు కార్డు ఉన్నా సరిపోతుంది. ముందుగా కేంద్రం వద్ద ఉన్న బీఎల్ఓ వద్దకు వెళ్లాలి, వారు ఓటరు జాబితాలో సరి చూసి ఓ చిటీపై క్రమసంఖ్య, పేరు రాసి ఇస్తారు. గతంలో ఎక్కడ ఓటేశారో అక్కడికి వెళ్లి బీఎల్‌ఓను కలవాలి. ఓటేసేందుకు పౌరులు, ఫొటో ఓటరు స్లిప్పు, ఫొటో గుర్తింపు కార్డు, ఆధార్ కార్డు, పాస్‌పోర్టు, డ్రైవింగ్ లైసెన్స్, బ్యాంకులు పోస్టాఫీసులు జారీ చేసే పాస్‌పుస్తకం(ఫొటోతో ఉన్నవి), పాన్ కార్డు సాయంతో ఓటు హక్కును వినియోగించుకోవచ్చు.
