ఇస్రో సైంటిస్ట్‌గా సిరిసిల్ల యువకుడు

తెలంగాణ వీణ , హైదరాబాద్ : భారత అంతరిక్ష పరిశోధనా సంస్థ(ఇస్రో)లో సిరిసిల్లకు చెందిన యువకుడు మంచికట్ల సుశాంత్‌వర్మ సైంటిస్ట్‌గా ఎంపికయ్యాడు. సిరిసిల్లకు చెందిన మంచికట్ల రాజేశం-సుధారాణి దంపతుల కుమారుడు సుశాంత్‌వర్మ పాఠశాల, ఇంటర్‌ విద్యాభ్యాసాన్ని కరీంనగర్‌లో పూర్తిచేశాడు. తిరువనంతపురంలోని ఐఐఎస్టీ ఇంజినీరింగ్‌ కాలేజీలో బీటెక్‌ ఏరోస్పేస్‌ చదివాడు.
ఇందులో సుశాంత్‌ ఉత్తమ మార్కులు సాధించడంతో ఇస్రోలో సైంటిస్ట్‌గా ఎంపికయ్యాడు. దేశవ్యాప్తంగా 41 మంది విద్యార్థులను ఎంపిక చేయగా.. అందులో సుశాంత్‌ ఒకరు. సుశాంత్‌ తల్లిదండ్రులు రాజేశం సిరిసిల్ల మున్సిపాలిటీ మెప్మా విభాగంలో కో-ఆర్డినేటర్‌గా, తల్లి సుధారాణి వరదవెల్లి ప్రభుత్వ స్కూల్‌లో ఉపాధ్యాయురాలిగా పనిచేస్తున్నారు. కొడుకు సైంటిస్ట్‌గా ఎంపిక కావడంపై తల్లిదండ్రులు సంతోషం వ్యక్తం చేస్తున్నారు.