రేవంత్ రెడ్డితో స్నేహంపై కోమటిరెడ్డి పాట…

తెలంగాణ వీణ హైదరాబాద్ : ఎన్నికలకు కొన్ని నెలల ముందు వరకు తెలంగాణ రాజకీయాల్లో రేవంత్ రెడ్డి, కోమటిరెడ్డి వెంకట్ రెడ్డి భిన్న ధ్రువాల్లా వ్యవహరించడం అందరికీ తెలిసిందే! ఇద్దరికీ పొసగడంలేదని మీడియాలో కథనాలు వచ్చేవి. కానీ అసెంబ్లీ ఎన్నికలతో పరిస్థితి మారిపోయింది. తెలంగాణ ఎన్నికల వేళ కాంగ్రెస్ నేతలందరూ విభేదాలు పక్కనబెట్టి, కలసికట్టుగా కదం తొక్కి, పార్టీని గెలిపించుకున్నారు. ఆపై రేవంత్ రెడ్డి ముఖ్యమంత్రి అయ్యారు… కోమటిరెడ్డి వెంకట్ రెడ్డి మంత్రి అయ్యారు. 
ఇప్పుడు కోమటిరెడ్డి… రేవంత్ పట్ల స్నేహగీతం ఆలపిస్తున్నారు. రేవంత్ తో తన దోస్తీపై ఆయన నిజంగానే ఓ పాట విడుదల చేశారు. దీనికి సంబంధించిన వీడియోను ట్వీట్ చేశారు. తామిద్దరి మధ్య ఉన్న స్నేహానుబంధాన్ని కోమటిరెడ్డి కవితాత్మకంగా వివరించే ప్రయత్నం చేశారు.