బలగం మొగిలయ్యకు మెరుగైన వైద్య చికిత్సను అందించాలి

తెలంగాణ వీణ, వరంగల్ : బలగం సినిమా లో నటించి ప్రజల ఆదరాభిమానాలను సంపాదించుకున్న నటుడు, బుడగ జంగాల కళాకారుడు బలగం మొగిలయ్య తీవ్ర అస్వస్థతకు గురైన సమాచారం తెలుసుకొని అతని ఆరోగ్య పరిస్థితిపై వరంగల్ జిల్లా వైద్య శాఖ అధికారుల తో మాట్లాడారు రాష్ట్ర వైద్య ఆరోగ్య కుటుంబ సంక్షేమ శాఖల మంత్రి దామోదర్ రాజనర్సింహ. మంత్రి దామోదర్ రాజనర్సింహ ఆదేశాల మేరకు మొగులయ్య కు డయాలసిస్ కి అవసరమైన మందులను జిల్లా వైద్య ఆరోగ్య శాఖ అధికారులు అందించారు. మొగిలయ్యా కు మెరుగైన చికిత్సను అందించాలని మంత్రి దామోదర్ రాజనర్సింహ వరంగల్ జిల్లా వైద్య ఆరోగ్య శాఖ ఉన్నతాధికారి (DMHO), ఎంజీఎం ఆసుపత్రి సూపరిoటెండెంట్ గార్లను ఆదేశించారు.