ఎంపీపీ పాండు గౌడ్, జెడ్పిటిసి మంగమ్మ రామచంద్రం
తెలంగాణవీణ, సిద్దిపేట జిల్లా : సిద్దిపేట జిల్లా మండలంలోని ఎర్రవల్లి గ్రామంలో ఇంతకుముందు ఉన్నటువంటి అంగన్వాడీ కేంద్రాన్ని యూపీఎస్ ఎర్రవల్లి పాఠశాలలో ఎంపీపీ పాండు గౌడ్, జెడ్పిటిసి మంగమ్మ రామచంద్రం, స్థానిక సర్పంచ్ కలిసి ప్రారంభించారు . అనంతరం ఎంపీపీ మాట్లాడుతూ చిన్నపిల్లలకు ఆట వస్తువులు, కుర్చోవడానికి కుర్చీలు , టేబుల్స్ దాతల సహకారంతో సుమారు మూడు లక్షల రూపాయలతో ఏర్పాటు చేయించిన సర్పంచ్ భాగ్య బిక్షపతి ని అభినందించారు. మండలంలోనే ఎర్రవల్లి అంగన్వాడి కేంద్రం మోడల్ గా నిలుస్తుందన్నారు. ఈ కార్యక్రమంలో యుపిఎస్ పాఠశాల ఉపాధ్యాయురాలు సంధ్యారాణి,అంగన్వాడి టీచర్ నాగలక్ష్మి, ఆయమ్మ ఎల్లమ్మ, వార్డు సభ్యులు శేఖర్, భాగ్య శ్రీశైలం, సుజాత యాదగిరి, బిఆర్ఎస్ గ్రామ శాఖ అధ్యక్షులు వెంకట్ రెడ్డి, సీనియర్ నాయకులుప్రభాకర్ రెడ్డి,కొమురయ్య, రఘుపతి రెడ్డి,పాండు,చిన్నరెడ్డి,తదితరులు పాల్గొన్నారు.
