తెలంగాణ వీణ , హైదరాబాద్ : తెలంగాణ అసెంబ్లీ ఎన్నికల్లో కాంగ్రెస్ విజయం ఖాయమైంది. తొలి రౌండ్‌ నుంచే కాంగ్రెస్ పార్టీ తన హవా కొనసాగించింది. బీఆర్‌ఎస్‌ పార్టీకి గట్టి పోటీ ఇస్తూ.. చివరికి ఎన్నికల్లో విజయం సాధించింది. ఇక ఈ ఎన్నికల్లో కమలం పార్టీ కాస్త పుంజుకుంది. ఎన్నడూ లేనివిధంగా.. ఏకంగా 8 సీట్లను కైవసం చేసుకుంది. ఈ నేపథ్యంలో ఎన్నికల ఫలితాలపై ప్రధాన మంత్రి నరేంద్ర మోదీ, కేంద్ర హోం మంత్రి అమిత్‌ షా స్పందించారు. ఈ మేరకు తెలుగులో ట్వీట్ చేశారు.
‘నా ప్రియమైన తెలంగాణ సోదరసోదరీమణులారా.. మీరు బీజేపీ పార్టీకి ఇచ్చిన మద్దతుకు ధన్యవాదాలు. గత కొన్ని సంవత్సరాలుగా మాకు మద్దతు పెరుగుతూనే ఉంది. ఈ సరళి రాబోయే కాలంలో కూడా ఇలాగే కొనసాగుతుంది. తెలంగాణతో మా బంధం విడదీయరానిది.
