తెలంగాణ వీణ , హైదరాబాద్ : బీఆర్‌ఆర్‌ఎస్‌ ప్రభుత్వం అధికారంలోకి వచ్చాక అసైన్డ్ భూములను పట్టా భూములు చేస్తాం. హక్కులు కల్పిస్తాం. బీజేపీ ఎమ్మెల్యే రఘునందన్‌రావు ఇక్కడ రూపాయి పని చేయలేదు. ఢిల్లీ నుంచి ఏమీ తెలేదని మంత్రి హరీశ్ రావు విమర్శించారు. దుబ్బాక బీఆర్‌ఎస్‌ అభ్యర్థి కొత్త ప్రభాకర్ రెడ్డి గెలుపును కాంక్షిస్తూ దుబ్బాక, మిరుదొడ్డిలో నిర్వహించిన రోడ్ షోలో మంత్రి పాల్గొని మాట్లాడారు. బీజేపీ వాడు గెలిస్తే బోరు బాయి కాడ మోటర్ వస్తది అని అనాడే చెప్పాను. నిన్న కేంద్ర మంత్రి నిర్మలా సీతారామన్‌ రూ. 25 వేల కోట్లు ఇవ్వలేదని ఒప్పుకున్నారు.
ఇప్పుడు రఘునందన్ ఎక్కడ తలకాయ పెట్టుకుంటావని మంత్రి సూటిగా ప్రశ్నించారు. మీ మంత్రి స్వయంగా చెప్పారు. కేసీఆర్ వచ్చాక 24 గంటల కరెంట్ వచ్చిందా లేదా. కర్ణాటక ఉప సీఎం ఇక్కడ మాట్లాడాడు. అక్కడ 5 గంటల కరెంట్ ఇస్తున్నామని గొప్పగా చెప్పాడు. దీంతో బీజేపీ, కాంగ్రెస్‌ పార్టీల అసలు రంగు బయట పడిందన్నారు. ఇక్కడ ప్రభాకర్ రెడ్డి గెలవాలి. అక్కడ కేసీఆర్ గెలవాలి. మంచి నీళ్లు ఇంటింటికీ ఇచ్చింది కేసీఆర్ అని గుర్తు చేశారు.
కూడవెల్లి వాగు ఎండాకాలంలో మత్తల్లు దుకుతున్నాయు.
